-
Katoog deur Jeanette Stals
R215.00Resep vir ‘n speurverhaal:
‘n Allenige dogtertjie wat graag by die stroompie speel en met haar denkbeeldige olifant gesels (Opla).
‘n Jong speurder op haar eerste moordsaak. Sy is nog onervare, effe naïef en waag dit alleen in situasies waar sy liewer moes weggebly het (Luna).
‘n Liggaam: ‘n jong vrou, half ontbind, in die stroompie. Sy het nie ‘n van nie, en ook nie ‘n “vandaan” nie (Angie).
‘n Arrogante, uitdagende, dreigende motorfietsryer wat net té dikwels opduik waar Luna haar bevind (Mike).
Luna se ondersoekleier, wat op ‘n ongewone manier in haar persoonlike lewe belangstel (Johan).
Een arm woonbuurt neffens die riviertjie. Al die inwoners dra een of ander psigologiese letsel van hul omstandighede. Al die inwoners is baie ontwykend by ondervraging.
Meng deeglik terwyl geheime bestanddele een-een bygevoeg word – siedaar! -
Koors – Deon Meyer
R290.00Deon Meyer slaan ‘n nuwe rigting in: post-apokalipties en spannend. Toegegee, spanning is Meyer se fortê – dis hoekom mens die boek nie kan neersit nie! Willem Storm en sy seun Nico oorleef Die Koors waaraan omtrent 95% van die wêreldbevolking gesterf het. Willem slaag daarin om ‘n gemeenskap van oorlewendes te vestig aan die Vanderkloofdam in die Oranjerivier. Amanzi gedy onder sy sorgsame en idealistiese leiding, maar ongelukkig pak nie almal oorlewing so aan nie; daar is altyd skurke, moordenaars en buiters wat bedreiging inhou. Dis waar die enigmatiese en onverskrokke Domingo inkom. Met sy doodsveragtende optrede beskerm hy Amanzi teen hierdie bendes en word Nico se held. Willem is so besig om Amanzi se mense te versorg dat hy en Nico, nou ‘n tiener, uitmekaar dryf. Maar dan word sy pa vermoor, en Nico besef wat hy verloor het. Nou wil hy wraak neem. Domingo het hom immers goed opgelei.
-
Medusa – Rudie van Rensburg
R275.00’n Ma en twee kinders word uit hul huis ontvoer. Hoewel dit die soveelste kinderontvoering in die Kaapse skiereiland in die afgelope 13 jaar is, neem die nuutste ontvoerings meer onheilspellende afmetings aan – meer en meer word kinders uit gegoede buurte ontvoer, en hierdie is die derde geval waar die ma saam met die kinders verdwyn.
-
Mentje – Kind van die Pas-Opkamp – Irma Joubert
R295.00Christmas Choice 2017
Die Here, Pappa se Hemelse Vader, het saam met Pappa verdwyn. In hierdie tent vol mense is sy stokalleen. “Ek is net maar hier, dink Mentje. Net maar nog ’n mond wat moet kos kry, nog ’n lyf wat gewas moet word, nog ’n asem in die hut. Nog ’n kind.”
-
Misverstand – Marieta van der Vyver
R250.00In Van der Vyver se nuutste roman is ‘n middeljarige skrywer die hoofkarakter. Willem Prins is vir die naweek in Parys, Frankryk – sy hartstad – vir die bekendstelling van sy boek. Dis nou die nuutste prulboekie wat hy geskryf het onder ‘n skuilnaam – en waarvoor hy hom dood skaam.
