Die Boereoorlog – Martin Bossenbroek

R280.00

Hier is nog ‘n uitmuntende toevoeging tot die versameling ABO-boeke in ons kultuurskat. Nederland het al die jare groot samehorigheid en kulturele steun aan Suid-Afrika gebied, dus is dit geen verrassing dat ‘n Nederlander nou ‘n boek oor die oorlog geskryf het nie.Vir die eerste keer vind ons ook die Nederlandse perspektief in ‘n ABO-boek. Drie individue se dagboeke, verslae, briewe en herinneringe tydens en ná die Oorlog is deur Bossenbroek kundig aanmekaargevleg om ‘n besonder deeglike, omvattende geheelbeeld van die oorlog te gee. Dié drie is Winston Churchill (toe ‘n Engelse oorlogskorrespondent), Deneys Reitz (Afrikaner-kommandolid wie se trilogie reeds wyd bekend is in die ABO-literatuur), en Willem Leyds, Nederlandse regsgeleerde wat in 1884 deur president Kruger as staatsprokureur aangestel is. Die Afrikaanse vertaling deur Anne-Marie Mischke is puik.

View Detail
Compare
SKU: 9781431410552 Categories: , ,

Description

Die Nederlandse historikus, Martin Bossenbroek, het in 2013 die Nasionale Nederlandse Geskiedenis-prys gewen vir sy nuwe kroniek oor die oorlog wat Suid-Afrika gevorm het, en die boek is ook in 2013 op die kortlys vir die AKO Letterkunde-prys geplaas. Beide hierdie toekennings is vername Nederlandse letterkundige pryse. Hierdie Afrikaanse hardeband, wat in 2015 as ‘n Engelse en ‘n Afrikaanse sagteband uitgegee gaan word, sal die lof en byval bevestig wat Bossenbroek reeds ontvang het, en aan Suid-Afrikaanse lesers die geleentheid bied om sy unieke storieverteltegniek te ervaar. Die Anglo-Boereoorlog (1899-1902) is al verskeie dinge genoem: die oorsaak van apartheid, die voorganger van die Eerste en Tweede Wereldoorloe, en die eerste media-oorlog (waar joernaliste vir die eerste keer by ‘n oorlog ingebed was). Dit het gehelp om die nasiestaat van Suid-Afrika te skep en meer as ‘n honderd jaar nadat die oorlog geeindig het, lei dit steeds tot vurige debatte. In Die Boereoorlog bied Martin Bossenbroek vir die eerste keer aan lesers die volledige storie met ongeewenaarde insig en detail. Bossenbroek volg drie kleurvolle hoofkarakters: die Nederlandse prokureur, staatsprokureur van die Suid-Afrikaanse Republiek, staatsekretaris en uiteindelike Europese gesant Willem Leyds; die Britse oorlogsjoernalis Winston Churchill, en die Boerekryger en toekomstige Suid-Afrikaanse politikus, Deneys Reitz. Bossenbroek se fassinerende nuwe blik op die oorlog troef Thomas Pakenham se klassieke topverkoper, en is ‘n moet-lees vir alle Suid-Afrikaanse geskiedenis-entoesiaste.

Reviews

There are no reviews yet.

Be the first to review “Die Boereoorlog – Martin Bossenbroek”

Your email address will not be published. Required fields are marked *

eleven − six =