R240.00
Eers was dit ’n blom onder haar motor se ruitveër. Toe ’n tweede een – morsdood. En toe kom die swart blomme. Nou word sy iewers in ’n sel van sement gevange gehou.
Eers was dit ’n blom onder haar motor se ruitveër. Toe ’n tweede een – morsdood. En toe kom die swart blomme. Nou word sy iewers in ’n sel van sement gevange gehou. Claire Winters plaas eers haar hoop op haar speurder-broer om haar te kom red. Maar toe nog ’n lang, donker dag met ’n toebroodjie en ’n glas water eindig, weet sy dat Derek nie gaan kom nie. Hierdie keer moet sy haarself red. Claire weet dat haar ontvoerder haar enigste hoop is om weg te kom …
Juffrou Visagie, argivaris van die Skeepswrakmuseum in Bredasdorp, staan aangekla: pligsversuim, wanbesteding, verwoesting van die museum se tuin en vriendskap met bedenklike karakters. Haar groot projek om ‘n skaalmodel van die onteiende stranddorpie Skipskop te maak en in die museum uit te stal, het boonop in tragedie geëindig. In Bredasdorp is dit ‘n baie ernstige saak en sy moet verantwoording doen voor die voorsitter van die Museumraad. Juffrou Visagie is in baie opsigte ‘n tipiese oujongnooi; onder andere het sy ‘n pedantiese sin vir orde en beplanning. Daarom besweer sy die klagtes een vir een met volledige vertellings, aangevul met bewyse – elke kwitansie, elke brief, die geringste dingetjie wat in die afgelope elf jaar in daardie museum gebeur het, is netjies in lêers gebêre. Dié debuutroman waarmee Anneli Groenewald NB se Groot Romanwedstryd 2015 gewen het, gooi die kollig nie net op die tragiese geskiedenis van Skipskop nie, maar ook op die stryd om voortbestaan wat baie museums voer.
As vuurtorings vir jou, soos seker vir die meeste van ons, ‘n vae assosiasie van romantiek dra, dink weer! Hannes Harker, vuurtoringwagter op ‘n afgeleë eiland, herstel in die hospitaal van beserings nadat hy in die toring geval het. Hy vertel sy lewensverhaal stuk-stuk aan Rika, sy saalsuster. Die eiland is ‘n kosmos in die kleine; ‘n mens sou nie kon dink dat soveel intrige moontlik is op die klein, afgesonderde rots in die see waar slegs ghwanowerkers en vuurtoringpersoneel woon nie. Soos sy pa voor hom, lééf Hannes vir die vuurtoring met al die onwrikbare reëls en taboes wat daarmee gepaard gaan. Intussen wroeg sy vrou Aletta om die afsondering te hanteer. As ‘n individualis wat altyd die status quo uitdaag, is die verbanning op die eiland vir haar te veel. Die egpaar se storie is terselfdertyd die uitvloeisel én ‘n herhaling van dié van Hannes se ouers voor hulle op die eiland. Aletta is egter van ander stoffasie gemaak as Hannes se ma en hul verhaal speel gevolglik anders af. Marguerite Poland is ‘n ervare skrywer wat haar fyn waarnemingsin en insig in die menslike natuur duidelik laat blyk in die roman. Dit is die eerste keer dat ‘n boek van haar in Afrikaans verskyn.
Reviews
There are no reviews yet.