Tuisland – Karin Brynard

R250.00

Die San-geledere van ‘n tradisionele gemeenskap naby Upington wil die plaaslike polisiebevelvoerder, kaptein De Vos, aankla van korrupsie en nalatigheid.

View Detail
Add to Wishlist
Compare
SKU: 9781415206935 Categories: ,

Description

Die San-geledere van ‘n tradisionele gemeenskap naby Upington wil die plaaslike polisiebevelvoerder, kaptein De Vos, aankla van korrupsie en nalatigheid. Omdat hooggeplaastes binnekort ‘n belangrike grondoorhandigingseremonie daar gaan bywoon, moet die polisiemag ‘n goeie reputasie probeer herstel. Beeslaar moet voelers gaan uitsteek – dit sal net ‘n dag duur … Sommer dieselfde aand word De Vos ernstig gewond deur ‘n messteek. Nou moet Beeslaar ook probeer saamwerk met die nuutaangestelde kolonel Koekoes Mentoor, wat hierdie aanval moet ondersoek. Belange en ondersoekmetodes bots, veral namate meer mense se bly- en werkplekke onder ‘n vandalis deurloop en gerugte van ‘n leeugees selfs onder die plaaslike polisiemanne begin die rondte doen. Die uitmergelende hitte van die Kalahari is nie die faktor wat éintlik die sweet laat tap nie… Brynard se derde misdaadroman stel nie teleur nie.

Reviews

There are no reviews yet.

Be the first to review “Tuisland – Karin Brynard”

Your email address will not be published. Required fields are marked *

1 × 5 =

Related products

  • Compare
    Add to Wishlist
    Afrikaans Fiksie

    Adrenalien deur Leon van Nierop

    0 out of 5
    R240.00

    Leon van Nierop kom hier met ‘n fassinerende verhaal vorendag. Gustaf Prinsloo het ‘n treffer-riller geskryf en dring daarop aan om self die draaiboek te skryf vir die film wat daarvan gemaak gaan word. Hy het egter ‘n probleem: sy muse werk slegs as sy adrenalienvlakke hemelhoog is. Sy vrou, Elisma, het in daardie behoefte voorsien, maar nou het sy hom gelos. Dit pas hom dus hom goed as die filmvervaardiger hom na ‘n afgeleë Bosveldoord stuur om sy draaiboek te gaan skryf. In die vervalle geboue hou oorgenoeg spoke om sy adrenalien te laat vloei. Dan kry hy ook lukrake besoeke van die sexy Astrid, wat ‘n onwelkome oog oor sy draaiboek hou. Gustav kan moeilik onderskei tussen die spoke wat hom treiter en die realiteit, maar hier is genoeg adrenalien om sy draaiboek te laat vorder. Daar wag egter ‘n verrassing of twee in die ontknoping van die storie…

  • Compare
    Add to Wishlist
    Afrikaans Fiksie

    Tussen die Klippe – Hans du Plessis

    0 out of 5
    R220.00

    Dominee Johannes is teësinnig en as buitestaander uit die Kolonie laat kom om ‘n hofsitting by te woon. Dié vind plaas in die veld: die hofamptenare se stoele bly in die los sand insak en die prosedure word onderbreek deur voëls, vlakvarke, olifante en ‘n donderstorm of wat. Die pragtige jong vrou wat aangekla word van die misdade van bigamie en bedrog, is reed deur die mense van haar streek skuldig bevind – hulle kén haar mos so! Dominee Johannes benader egter die hele verrigtinge vanuit sy soeke na die aard en omvang van ware Christelike liefde. Die verhaal speel af in 1851 in die Moot, ‘n boerdery-nedersetting noord van die Vaalrivier, en weerspieël hofverrigtinge soos in 1849 voorgeskryf deur die Volksraad in Potchefstroom. Heelwat aspekte van die Christelike leer en die aard van waarheid word ondersoek, terwyl ‘n eg menslike en simpatieke uitbeelding gegee word van plattelandse gemeenskappe in die jare kort na die Groot Trek.

  • Compare
    Add to Wishlist
    Afrikaans Fiksie

    Die Bewaker – Marguerite Poland

    0 out of 5
    R235.00

    As vuurtorings vir jou, soos seker vir die meeste van ons, ‘n vae assosiasie van romantiek dra, dink weer! Hannes Harker, vuurtoringwagter op ‘n afgeleë eiland, herstel in die hospitaal van beserings nadat hy in die toring geval het. Hy vertel sy lewensverhaal stuk-stuk aan Rika, sy saalsuster. Die eiland is ‘n kosmos in die kleine; ‘n mens sou nie kon dink dat soveel intrige moontlik is op die klein, afgesonderde rots in die see waar slegs ghwanowerkers en vuurtoringpersoneel woon nie. Soos sy pa voor hom, lééf Hannes vir die vuurtoring met al die onwrikbare reëls en taboes wat daarmee gepaard gaan. Intussen wroeg sy vrou Aletta om die afsondering te hanteer. As ‘n individualis wat altyd die status quo uitdaag, is die verbanning op die eiland vir haar te veel. Die egpaar se storie is terselfdertyd die uitvloeisel én ‘n herhaling van dié van Hannes se ouers voor hulle op die eiland. Aletta is egter van ander stoffasie gemaak as Hannes se ma en hul verhaal speel gevolglik anders af. Marguerite Poland is ‘n ervare skrywer wat haar fyn waarnemingsin en insig in die menslike natuur duidelik laat blyk in die roman. Dit is die eerste keer dat ‘n boek van haar in Afrikaans verskyn.