R250.00
Ingrid Winterbach-aanhangers sal sekerlik bly wees om te hoor van die verskyning van haar nuwe boek. Dit is ‘n veelvlakkige roman vol van intrige, die kunste, waansin en spiritualistiese filosofieë. Kunstenaar Niek Steyn koop ‘n huis in Kaapstad ná die beëindiging van sy liefdesverhouding. Niek bevriend Marthinus, wat naby hom bly, en vind dat hulle ‘n belangstelling in die kunstewêreld deel. Gou word die verhaal bevolk met ‘n verskeidenheid klaarblyklik versteurde kunstenaartipes. Slegs een karakter verteenwoordig normaliteit en warmte in Niek se lewe – sy huurder, die kunsstudent Charelle. Wanneer sy verdwyn en verskeie onrusbarende dinge in die area gebeur, is Marthinus oortuig dat Viktor daaragter sit; Viktor wat die skisofreniese boek Vlakwater geskryf het. Intussen werk ‘n naamlose haaslip-vrou aan ‘n monografie oor die bekende kunstenaars-cum-filmmakers, die Olivier-broers. Stadigaan begin mens vermoed daar is dalk een skakel wat al hierdie dinge verbind, maar is die vermoede korrek?
Niek Steyn moves to Cape Town after his divorce. When his boarder disappears and the artist Buks Verhoef makes an offer on his house, Niek suspects the diabolical author Victor Schoeman’s involvement. Shortly afterwards a researcher witnesses the murder of Buks Verhoef in Stellenbosch and a strange man starts following her. Is it Victor Schoeman?
Die belofte wat Strachan met sy eerste roman, Dwaalpoort, getoon het, word verwesenlik in Brandwaterkom. Dit is een van die interessantste aanbiedings van historiese gegewens wat ek nog gelees het. In die hoofstorie figureer S.G. Vilonel, prokureur van Senekal, aanvanklik ‘n boere-kommandant in die ABO maar uiteindelik veroordeelde joiner. Toe generaal Prinsloo met 4000 boere-vegters in die Brandwaterkom vasgekeer was, was Vilonel die man wat die brief van oorgawe na die Britse owerstes gebring het. Maar daar is verskillende vertellers in die roman, en elkeen wil sy/haar verhaal op die voorgrond druk. Esther van Emmenes woon tydelik in die Brandwaterkom om deegliker navorsing oor die plaaslike gebeure tydens die ABO te kan doen vir haar tesis. Catharina Venter – wel, waar pas sy in die prentjie? Is sy werklik besig om Esther en Bullet te manipuleer sodat háár verhaal vertel kan word? En Bullet self; sy oorlogverhaal moet ook vertel word – altans, daar is ‘n verteller wat so dink. En hoe suiwer is elke verteller se motiewe? Eindelik lees ons vier stories wat met groot vaardigheid deur die bobaasverteller – Strachan self – in mekaar gevleg is.
Resep vir ‘n speurverhaal:
‘n Allenige dogtertjie wat graag by die stroompie speel en met haar denkbeeldige olifant gesels (Opla).
‘n Jong speurder op haar eerste moordsaak. Sy is nog onervare, effe naïef en waag dit alleen in situasies waar sy liewer moes weggebly het (Luna).
‘n Liggaam: ‘n jong vrou, half ontbind, in die stroompie. Sy het nie ‘n van nie, en ook nie ‘n “vandaan” nie (Angie).
‘n Arrogante, uitdagende, dreigende motorfietsryer wat net té dikwels opduik waar Luna haar bevind (Mike).
Luna se ondersoekleier, wat op ‘n ongewone manier in haar persoonlike lewe belangstel (Johan).
Een arm woonbuurt neffens die riviertjie. Al die inwoners dra een of ander psigologiese letsel van hul omstandighede. Al die inwoners is baie ontwykend by ondervraging.
Meng deeglik terwyl geheime bestanddele een-een bygevoeg word – siedaar!
Kaptein Kassie Kasselman sou nie kon raai dat die verdwyning van oud-polisieman Barnie Wolhuter verband hou met smokkelhandel in renosterhoring nie. Wanneer hulle egter die ontvoering van ‘n jong vrou begin ondersoek, lei dit hulle na African Curio, die winkelgroep waarvoor Barnie uitvoere behartig het ná hy uit die polisie is. Ver weg in Musina voer Natasha van der Merwe ‘n verbete stryd teen renosterstropers, min wetende dat die aantreklike Theodore op wie sy besig is om verlief te raak, een van die skelms is. Dit begin lyk asof daar ‘n marionettemeester agter die gebeure sit – ene Deep Throat, wat met die wenke wat hy telefonies vir verskillende mense gee, besig is om een persoon aan die kaak te stel. Hy het baie jare lank beplan en gewag vir die regte oomblik om wraak te neem, en die wraak is soet…
Reviews
There are no reviews yet.