In Die geheimsinnige ster is ’n meteoriet op pad na die aarde toe. Professor Hippolitus Katalis van die Sterrewag se voorspelling dat dit die einde van die wêreld is, word nie bewaarheid nie wanneer die meteoriet die aarde mis en ’n fragment daarvan in die Poolsee land. Saam met ’n groep wetenskaplikes vertrek Kuifie, Spokie en kaptein Sardijn op ’n ekspedisie om die stuk meteoriet te gaan bestudeer. Hulle is egter nie die enigstes wat so ’n ontdekkingstog onderneem nie en gou ontaard dit in ’n spannende resies om eerste daar te kom.

Professor Katalis het reeds ’n nuwe metaal in die meteoriet bespeur en daar is baie op die spel.