Portchie is een van Suid-Afrika se suksesvolste kunstenaars, maar<br>wie is die man wat agter die kleurvolle skilderye skuil? Waar kom die<br>naam Portchie vandaan? En hoe en wanneer het Jan Hendrik Viljoen<br>van die klein dorpie Tweeling in die Vrystaat, aangemeld om die<br>wêreldbekende kunstenaar Portchie te word?

Met sy verbysterende sukses kan daar met reg na Portchie verwys<br>word as ’n grensverskuiwende kunstenaar, maar langs die pad was<br>daar oorgenoeg bitterbekke, skerp tonge en suur druiwe. Ten spyte<br>van sommige se kritiek, het hierdie veelvlakkige persona ’n<br>eenvoudige resep wat aanhou om kunsliefhebbers- en versamelaars<br>te betower.

Portchie: Van Tweeling tot Trafalgar Square, wat die persoonlike met<br>die kreatiewe versoen, kombineer Portchie se inspirerende verhaal<br>met foto’s, staaltjies en selfs resepte. Dit vertel die storie agter die<br>storie: onopgesmuk, sonder tierlantjies, maar met ’n tikkie<br>flair. Portchie se verhaal is een van hoop, van liefde en deernis, en<br>van treffende eenvoud.