Die bundel sentreer om ouer word, die jeugdige energie wat daarmee afneem, 'n herbesoek aan dit wat was en 'n skrynende begeerte daarna. Deacon slaag uitmuntend daarin om die oerbron van herinnering en nostalgie telkens deur 'n ander merafoor, 'n ander tyd en met ander woorde te laat spreek. Die bundel bevat ook 'n heuglike inslag van Boerneef se loslittige Afrikaans met 'n voorkeur vir die kontreiwoord en -uitdrukking.