Op Oukersaand sit Zoë Zietsman alleen voor haar rekenaar. Vanaand is die aand, besluit sy terwyl sy as “Volksie” op die Matchmate-webwerf inteken. Só ontmoet sy vir “Donatello”, 'n advokaat wat sy klerekas volgens kleur rangskik en net suiwer Afrikaans praat. Zoë, daarenteen, meng haar taal, ry nog met haar Vespa en leef vir joga. Wanneer hulle mekaar uiteindelik in die vlees ontmoet, is die gevolge katastrofies én skreeusnaaks.