In Pieter Odendaal se langverwagte tweede bundel skryf hy oor aktuele temas soos identiteitspolitiek, geboortegrond, klimaatsverandering, verlies en vervreemding. Dit is ‘n selfbewuste, maar ook selfversekerde digterstem wat aan die woord is. Odendaal skroom nie om binnetoe te kyk en ongemaklike vrae te vra oor herkoms, tuiswees en heengaan nie: Waar kom ons vandaan? Waar behoort ons? En waar gaan ons heen as ons van die aarde ontwortel word?